KFOR-i Italian dhuron pajisje teknologjike për bibliotekat e Komunës së Dragashit

DragashPostuar: 09:31 / 01.03.2024

Një delegacion i KFOR-it Italian nga Komanda Regjionale e Perëndimit, në krye me komandantin, Kolonel Francesco Ferrara, dje kanë vizituar Komunën e Dragashit, ku janë pritur nga kryetari i Komunës, Bexhet Xheladini, së bashku me drejtoreshën e DKRS-së, Liridona Misinaj dhe zyrtarë të tjerë komunalë.

Me këtë rast është bërë dhurimi i disa kompjuterëve dhe një printeri multifunksional laserik me ngjyra për bibliotekat lokale në Komunën e Dragashit, në kuadër të projektit civilo-ushtarak të KFOR-it për të mbështetur komunitetet tona.

Pas pranim-dorëzimit të këtyre pajisjeve,  Kryetari Xheladini u dhuroi mysafirëve të KFOR-it Italian mirënjohje për kontributin dhe mbështetjen e ofruar për qytetarët dhe institucionet lokale të Komunës së Dragashit, përmes donacioneve të ndryshme në arsim, shëndetësi, shërbim të zjarrfikësve etj.

Pas ceremonisë, Kryetari Xheladini dhe Kolonel Ferrara me ekipin e tij vizituan për pak çaste edhe punimet e mbledhjes së rregullt të Kuvendit të Komunës së Dragashit. Gjatë vizitës në sallën e Kuvendit, Kryetari Xheladini i prezantoi Komandantit të KFOR-it një historik të shkurtër të Komunës së Dragashit, duke e falënderuar për bashkëpunimin dhe mbështetjen e parezervë për qytetarët.

Mirënjohje për vizitën Kolonelit Francesco Ferrara i shprehu edhe kryesuesja e Kuvendit, Arijeta Skeraj, e cila e informoi shkurtimisht edhe për punët e legjislativit lokal të cilin e udhëheq.

Në fund të vizitës, Kryetari Xheladini priti Kolonelin Ferrara në zyrën e tij, me ç'rast pranoi edhe një dhuratë simbolike nga ana e tij.
 
IstogKomente: 0 Themelohet Asambleja Komunale e Fëmijëve në Istog 16:18 / 13.05.2024 Sot, Komuna e Istogut ka themeluar Asamblenë Komunale të Fëmijëve prej 27 anëtarëve, kjo me iniciativën e Sektorit për të Drejtat e Njeriut dhe Komunitete - Drejtoria për Administratë Komunale në bashkëpunim me Drejtorinë për Arsim dhe në mbështetje nga...
PrishtinëKomente: 0 Mbillen 3000 fara të drunjve përmes dronit në Kryeqytet 14:07 / 13.05.2024 Kryetari i Komunës së Prishtinës, Perparim Rama, përmes një postimi në rrjetet sociale ka njoftuar se sot kanë bërë mbjelljen e 3000 farave të drunjve me dron, në bazë të iniciativës për ripyllëzim dhe vizionit për hapësira të pastra dhe të...